Ish-kreu i LSI-së, Petrit Vasili ka dalë në një konferencë, ku deklaroi se kjo forcë politike do të votojë kundër aktit normativ për buxhetin në parlament.
Ndërkohë, për sa i përket çështjes së Vettingut, kreu i grupit parlamentar u shpreh se LSI do të propozojë disa amendamente dhe për këtë kërkoi edhe votën e mazhorancës, ndërsa tha se nuk pajtohet me shkurtimet drastike që ka bërë qeveria.
FJALA E VASILIT:
LSI mbështet organet e reja të vettingut, proces për të cilin është punuar shumë. Ne nuk mund të pajtohemi me shkurtimet drastike që qeveria i ka bërë për qëllime që ajo i di. Kemi vendosur të paraqesim amendamente që reflektojnë pikë për pikë ato kërkesa që vetë këto institucione kanë bërë për fonde dhe personel për të siguruar funksionimin normal të tyre. Shpresojmë shumë që qeveria dhe mazhoranca të reflektojnë shumë për këto amendamente dhe t’i votojë.
