Dy vetëvrasjet në spitalin “Shefqet Ndroqi”, kanë tronditur opinionin publik. Për këto ngjarje të rënda, Prokuroria e Tiranës ka nisur hetimet.
Zëvendësministrja e Shëndetësisë, Mira Rakacolli, ka folur për vetëvrasjen e 65-vjeçarit nga kati i 4-të i spitalit “Shefqet Ndroqi”.
Ajo tregon se 65-vjeçarit i është dhënë ndihma nga simptomatologët dhe konsulta psikiatrike. Ajo shton se kanë nisur hetimet në lidhje me ngjarjen e ndodhur, dhe se do të sqarohet në ditët në vijim.
Mira Rakacolli bëri me dije se spitalet komunikojnë me njëri-tjetrin, dhe janë marrë edhe konsulta psikiatrike.
“Pacienti ka qenë prej 24 orësh i shtruar dhe i është ofruar ndihmë për simptomatologjinë dhe ankesat që paraqiste situata e tij. Kanë nisur hetimet, se si ka qenë situata, a ka qenë adekuat mjekimi dhe si ka qenë asistenca, që do të sqarohen në ditët në vijim.
Ata marrin mjekimin e tyre, përveç COVID dhe situatën që ata paraqesin, siç marrin mjekim dhe ata për diabetin, apo sëmundjet e zemrës.
Marrin mjekim specifik për sëmundjen që kanë. Spitalet komunikojnë me njëri tjetrin dhe janë marrë edhe konsulta psikiatrike”, tha Rakacolli.
