Më 3 shtator në Gjermani ka ndodhur një ngjarje e rëndë, ku një 42-vjeçar shqiptar është hedhur nga ura duke gjetur vdekjen. Sipas mediave gjermane, shqiptari i identifikuar si Berat Jasani, kishte shkuar si refugjat në Gjermani së bashku me familjen e tij në 2015, por autoritetet atje kishin urdhëruar kthimin e tij në Shqipëri, ndërsa vetëm e bija mund të qëndronte pasi ishte specializuar si infermiere.
Kjo ka qenë edhe arsyeja që mendohet se ka çuar në vetëflijim shqiptarin, pasi kishte kërkuar me ngulm që të merrte leje-qëndrimin në këtë shtet, siç raporton “ikz’. Ai do të shkonte të merrte biletat e fluturimi për familjen pas kërkesës për dëbim, por në vend të kësaj ai ka vrarë veten.
Bashkia kishte ofruar biletat e avionit për familjen prej katër anëtarësh nga Shqipëria. Sipas vullnetit të shtetit gjerman, Berat Jasani duhej që të martën të kthehej në Shqipëri bashkë me gruan dhe djalin e mitur. Natën e së hënës, 42-vjeçari u hodh nga ura e Almeloer Straße, ku gjeti vdekjen.
https://tiranatoday.com/u-hodh-nga-ura-dhe-gjeti-vdekjen-mesazhi-i-fundit-qe-i-la-shqiptari-familjes/
Sylvia Olbrich perfaqësuese e zyrës në ndihmë të refugjatëve në Iserlohn, ka reaguar me anë të një shënimi prekës në rrejtin e saj social “Facebook”, ku shkruan:
Jemi të tronditur!
Ne po qajmë!
Ne jemi të habitur, pa fjalë, të zemëruar!
Sot një nga miqtë tanë, një njeri familjar që po përpiqej të integrohej, por për fat të keq erdhi në vendin e gabuar, dhe humbi jetë.
Ne e kemi shoqëruar familjen për 3 vitet e fundit dhe kemi parë se si ajo është integruar.Gruaja dhe djali janë ende këtu… askush nuk di si të shkojë.
Ne duhet të jemi së bashku si një ekip, të gjithë bashkë.
Por ne duhet të vendosim gishtin në plagë dhe të bëjmë pyetje.
Në deklaratën e tij të fundit ai ishte shprehur se ndihej i poshtëruar kishte bërë cdo gjë që i ishte kërkuar. Ishte në punë dhe prapë atë e dëbuan. A është e drejtë kjo? Por së pari, është koha për të vajtuar për lamtumirën!
#ëirsindmehr
