Kryeministri Edi Rama e ka nisur fjalën e tij në një konferencë, lidhur me propagandën që po bën opozita ndaj situatës së COVID. Rama tha se kundërshtarët e tij politikë janë bërë zëdhënës të panikut, për të krijuar sa më shumë dëshpërim në popull.
Referuar akuzave të fundit se njerëzit dërgjen dyshemeve, dhe se mjekimi bëhet në autoambulanca, Rama sqaroi çfarë po ndodh realisht në spitalet COVID. Ai pohoi se nuk është e vërtetë që mjekimi bëhet në autoambulanca, dhe se është krejt absurde që qeveria po vjedh, prandaj numri i infektimeve dhe vdekjet po rriten. Kreu i qeverisë foli edhe për rastin e vetëvrasjeve së pacientëve që po kurohen ndaj koronavirusit. Rama sqaroi se një nga pasojat e futjes së këtij armiku, është edhe nxitja për të vrarë veten.
“Shpresat e lodhura për pushtet i kanë mbështetur tek ëndrra e një katastrofe mjekësore. Janë bërë zëdhënës të panikut, çorodisë dhe pesimizmit të fabrikuar për të krijuar sa më shumë dëshpërim në popull, përmes sajesave që dëmton moralin e mjekëve dhe infermierëve.
Është e pajustifikueshme me asgjë që t’u thuhet njerëzve që spitalet janë në kolaps. Edhe mund të ishin, por nuk janë. Njerëzit dergjen dyshemeve, por nuk është e vërtetë. Nuk është e vërtetë që mjekimi bëhet në autoambulanca, falë ndihmave të ndonjë media që e ka raportuar këtë.
Qeveria po vjedh, prandaj numri i infektimeve dhe vdekjet po rriten. Është absurde. Fakti është që numrat po rriten kudo. Po vjedh kancelarja gjermane? Po vjedh presidenti dhe qeveria franceze? Është absurde që nuk vjen nga paditura, por qëllim dashakeq për të armiqësuar njerëzit me qeverinë.
Vulgare dhe e dënueshme për një pushtet që nuk kanë shans ta rimarrin. E kishin dhe e shpërdoruan. Nuk na gjeti virusin me qeverinë që na lanë ata. Nuk i gjeti pavion pa çarçafë dhe batanije. Nuk i gjeti të sëmurët pa aspirina në spital, lëre pastaj me protokolle.
Atëherë do të kishim parë ç’do të thotë tragjedi kombëtare. Si mund të gënjehet në këtë farë feje? Si organizohet një sulm i tillë pa fakte e shifra? Si mundet që të ngrihet këtu teza që njerëzit vetëvriten për shkak të kushteve në spital?
Bini dhe ju në këtë kurth, sepse nuk merrni përsipër të bëni një kërkim të thjeshtë, për të parë që shifrat botërisht tregojnë që një nga pasojat e futjes së këtij armiku është edhe nxitja për të vrarë veten. Është materializuar në shifra.
Nga marsi në gusht, në Itali kanë vrarë veten. Në Francë është rritur numri i vetëvrasjeve, lidhen me COVID. Ka qënë nëpër lajme. Ajo e mjekut të klubit të famshëm. 4 persona në Gjermani, në Britani, etj, kanë vrarë veten prej frikës”.
