Një 51-vjeçar nga Berati i ka dhënë fund jetës, duke konsumuar një sasi të konsiderueshme helmi. Shpëtim Krasi pasi kishte darkuar qetësisht me familjen kishte konsumuar “fostoksinë” dhe ishte shtrirë për të fjetur. Familjarët e kanë gjetur pa shenja jete mëngjesin e sotëm. Ata kanë njoftuar menjëherë policinë.
Trupi i pajetë i 51-vjeçarit është përcjellë në morgun e Spitalit Rajonal të Beratit ku pas ekpsertizës së kryer ka rezultuar një sasi e madhe helmi e llojit “fostoksinë” në gjak. Shpëtim Krasi ishte baba i dy fëmijëve dhe punonte prej vitesh si roje në një filial banke në Berat.
Sipas familjarëve ai ishte një njeri i qetë dhe nuk kishte shfaqur asnjëherë shenja depresioni. Sipas familjarëve, Shpëtimi kishte disa javë që ishte mbyllur në vetvete, për shkak të konflikteve të shumta që kishte me bashkëshorten, me të cilën ishte në procedurat e divorcit. Familjarët kanë deklaruar në polici se ky mund të ketë qenë i vetmi shkak që e çoi drejt vetëhelmimit Shpëtimin.
