E diel, 20 Qershor, 2021
17.5 C
Tirana

Veprim i ngutshëm, por dinakëri taktike

Nga Mentor Nazarko, /panorama.al/

Nisja e procedurave nga ana e PS-së për shkarkimin e Presidentit Meta, ngjan sa relativisht e ngutshme, po aq dhe e saktë taktikisht. Mirëpo, periudha e zgjedhur tradhton qëllimet e atyre që e kanë ideuar këtë iniciativë.

Pasi shtiu në dorë mandatin e tretë, duket se praktikisht PS është duket treguar një ngut për të marrë në dorë edhe pushtetin presidencial. Më së pari, Shqipëria nuk ka një kuadër të plotë legjislativ për shkarkimin e Presidentit. Neni 90 i Kushtetutës dhe neni 112 i Rregullores së Parlamentit janë pak.

Nuk ka një ligj për funksionimin e presidencës, detyrim prej 1998, megjithëse ai vështirësisht mund të kufizojë spektrin e aksionit presidencial. Ndërkohë, në Parlamentin aktual PS mendohet se i ka numrat, duke supozuar se deputetët e së ashtuquajturës opozitë do të bëjnë shërbimet e fundit për qeverinë, pa rebelime të krijuara nga rezultati zgjedhor.

Me përbërjen e re ndoshta nuk i ka numrat. Iniciativa po ndodh kur Shqipëria nuk i ka institucionet e drejtësisë të plotësuara në tërësinë e tyre, si produkt i pluralizmit parlamentar, ndaj edhe për këtë arsye ky ngjan një veprim i ngutshëm.

Nga ana tjetër duket se është zgjedhur kjo kohë kur mendohet që PD është duke u marrë me shqetësimet e saj për të rikonfirmuar juridikisht narrativën se procesi zgjedhor ishte i blerë ose i kontrolluar, i vjedhur. Pra, koha e zgjedhur e vendos PDnë nën presion dhe para një alternative të vështirë: ose të bëhet me Presidentin, ose ta lerë atë vetëm, secili në hallet e veta.

Apo dhe të joshet që ta kërkojë për vete? E gjitha po ndodh kur miqtë tanë ndërkombëtarë, kryesisht SHBA, duket sikur nuk janë në marrëdhënie të mira me Presidentin, siç u duk me mungesën e përfshirjes së tij në aktivitetet ushtarake të NATO-s.

SHBA-të ia respektuan dinjitetin Shqipërisë, duke e ftuar Presidentin në ceremoninë hapëse, por në udhëtimin me anijen amerikane shkëlqenin vetëm fytyra socialiste. Ngjan sikur PS kërkon që ta ketë për vete edhe vendin e Presidentit.

Për Ramën që mund të ndjekë skenarin malazez apo serb, kur bëhet vetë President dhe Kryeministër dikush tjetër nga PS-ja? Apo për opozitën, së cilës i është premtuar se nuk do të ketë vijë të kuqe për pretendimet e veta në bashkëqeverisje. Në të dy rastet, PS krijon rrethana më të mira institucionale për ofertën që mund t’i bëjë PD-së për një qeverisje të ardhshme.

Në një kontekst si ky, PS tregon ngut që ta mbyllë edhe këtë kapitull duke konfirmuar për herë të dytë një akuzë për Presidentin për shkelje të rëndë të Kushtetutës, duke parë se Meta është pengesë për këtë ofertë. LSI është armikja kryesore e një bashkëqeverisjeje të dy partive të mëdha. Pas goditjes që PS, por dhe PD i dhanë në zgjedhje, kjo ngjan si goditja e radhës dhe më e forta.

REAGIMI I PRESIDENTIT

Duke e konsideruar si shashkë këtë proces apo duke konfirmuar pjesëmarrjen në seancën e pyetjeve parlamentare një ditë tjetër, Presidenti Meta ka treguar vendosmëri, qëndrueshmëri, si njeri nuk ka frikë nga procesi i akuzës parlamentar, madje paralajmëron sulmin si mbrojtja më e mirë. Mbase shpreson që përmbyllja e procesit të rishikimit të parregullsive të zgjedhjeve të prodhojë diçka që mund ta hedhë në erë krejt zgjedhjet, në Berat apo ndonjë vend tjetër. Si rregull ai ka qejf të tregojë se mban fjalën, se është koherent me premtimet, qofshin dhe ato të vështira. Pra, duket sikur ai nuk e ka mbyllur tërësisht skenarin e dorëheqjes.

Pra, sipas tij, nëse rezultati zgjedhor certifikohet tërësishtsipas dëshirës së tij- ai mund të japë dorëheqjen, para se ta shkarkojnë. Por, ama, duke kërcënuar se do të mobilizojë me gjasë LSI-në në veprime të forta protestative apo krejt opozitën. Ndonëse LSI apo PD deri më tani nuk janë thënë asgjë.

Gjithmonë nëse perëndimorët, më së shumti amerikanët, do të lejojnë njëlloj hyrje të Shqipërisë në një cikël të ri protestash politike. E gjitha kjo ndodh kur, sipas “Euronews”, Këshilli Europian pritet të shqyrtojë performancën e Shqipërisë për të thirrur Konferencën Ndërqeveritare, që do të shënonte fillimin real të negociatave për anëtarësimin në BE.

A do të ishte fillimi i procesit të shkarkimit, një kartëvizitë e re apo dhuratë e Shqipërisë për Europën? Kjo mbetet për t’u parë. Rama po guxon shumë në këtë drejtim pas vendimit për dhënien Emirateve Arabe të Portit të Durrësit, i cili me gjasë nuk gëzon simpati te Bashkimi Europian.

Sipas Euronews”, Shqipëria ngjan se do të shkëputet prej Maqedonisë, kushtëzuar nga Bullgaria që ka zgjedhje të parakohshme, por ndoshta ky hap i fundit- akuza ndaj Presidentit mund të krijojë dinamika të reja, të cilat mund të dalin jashtë kontrollit.

- Reklama -

Më shumë nga kategoria




Të fundit

OBSH e shpall të përfunduar shpërthimin e Ebolës në Afrikën Perëndimore

Organizata Botërore e Shëndetësisë (OBSH) tha se shpërthimi i virusit të Ebolës, që nisi në shkurt në Guinea, ka përfunduar. Ky virus vdekjeprurës, që përcillet...

Levandovski mban gjallë shpresat e Polonisë, Spanja komplikon kualifikimin

Përfundon ndeshja e grupit C, ku Spanja ka komplikuar kualifikimin, pasi Polonia i ka surprizuar, duke i rrëmbyer një pikë. Sfida u mbyll në...

Gjermani, gjenden dy piktura të shekullit XVII në një kosh plehrash

Policia gjermane po kërkon për informacion për dy piktura origjinale nga artistë evropianë të shekullit të 17, të cilat përfunduan në një kosh plehrash...

Kapacitetet e Kosovës për vaksinim në masë të popullsisë kundër COVID-19

Në Kosovë gjatë kësaj jave filloj vaksinimi në masë i qytetarëve kundër COVID-19, me synimin që të vaksinohen deri 320 qytetarë në muaj. Zyrtarë...

Mbi 1 milion vaksina/ Mbërrijnë në Rinas edhe 50 mijë doza të Coronavac

Mbrëmjen e sotme, kanë mbërritur në aeroportin ''Nënë Tereza'', 50 mijë doza të vaksinës kineze Coronavac. Lajmin e ka bërë të ditur kryeministri Edi...