Rudina Hajdari ka reaguar me anë të një postimi në faqen e saj zyrtare në “Facebook”, në lidhje me takimin që zhvilloi së bashku me disa deputetë të tjerë me delegacionin e Komisionit të Venecias.
Delegacion ky që zbarkoi sot në Tiranë, për t’u njohur me klimën politike mes palëve.
Ajo pohon se gjatë takimit, deputetët vlerësuan rolin e rëndësishëm dhe këshillues të Komisionit të Venecias, si dhe shkëmbyen pikëpamje mbi situatën aktuale politike në Shqipëri.
Statusi
Sot në mëngjes në ambientet e Kuvendit të Shqipërisë, deputetë përfaqësues të grupeve parlamentare të opozitës zhvilluan një takim me Delegacionin e Komisionit të Venecias, i cili ndodhet në Tiranë me kërkesë të Kuvendit të Shqipërisë, në kuadër të aktivitetit të Komisionit Hetimor Parlamentar “Për kontrollin e ligjshmërisë së veprimeve të kryera nga ana e Presidentit të Republikës së Shqipërisë”.
Deputetët e pranishëm vlerësuan rolin e rëndësishëm këshillues të Komisionit të Venecias, si dhe shkëmbyen pikëpamje mbi situatën aktuale politike në Shqipëri, dhe mbi rolin që deputetët e Kuvendit të Shqipërisë kanë në zgjidhjen e ngërçit politik në vend.
