Pas vendimit të Vladimir Putin për dëbimin e 755 diplomatëve amerikanë, ka reaguar Departamenti Amerikan i Shtetit.
Ky i fundit e konsideron kërkesën e presidentit rus si të paarsyeshme, duke paralajmëruar se Washingtoni po shqyrton përgjigjen e mundshme.
“Ne po e vlerësojmë ndikimin e një kufizimi të tillë dhe se si do të përgjigjemi ndaj tij”, thuhet në deklaratën e mbrëmshme të DASH.
Kërkesa e Presidentit Putin erdhi pas mospajtimit SHBA-Rusi lidhur me sanksionet e reja të miratuara nga Kongresi i Shteteve të Bashkuara kundër Moskës.
Sanksionet e Uashingtonit ndaj Rusisë ishin pjesërisht për shkak të ndërhyrjes ruse në zgjedhjet presidenciale të vitit 2016, një përfundim i arritur nga agjencitë amerikane të zbulimit, si dhe për të ndëshkuar më tej Rusinë për aneksimin e Krimesë në vitin 2014.
