Së fundmi parlamenti holandez ka nisur diskutimet në lidhje me vendimin për hapjen e negociatave të Shqipërisë dhe Maqedonisë së Veriut me Bashkimin Europian. Kujtojmë se vendimi nga KE do të jepet më 18 tetor.
Ministri i jashtëm Stef Blok po pyetet nga deputetët për qëndrimin mbi Shqipërinë dhe dallimin mes qëndrimit të Gjermanisë dhe atij që do të ketë Holanda. Më herët, në një letër drejtuar deputetëve holandezë, Blok shkruante se qeveria ndante të njëjtin mendim pozitiv si KE në lidhje me Maqedoninë e Veriut. Ndërkohë për Shqipërinë, Blok përshëndeti hapat konkrete të Tiranës, duke shtuar faktin se duhet të bëhet më shumë në luftën kundër krimit dhe korrupsionit.
