Këshilli i Ministrave emëroi dje tre zëvendësministra të rinj. Në bazë të nenit 100 të Kushtetutës dhe të ligjit “Për organizimin dhe funksionimin e Këshillit të Ministrave”, me propozimin e kryeministrit Edi Rama, Këshilli i Ministrave vendosi emërimin e Denada Seferit si zëvendësministre e Shëndetësisë dhe Mbrojtjes Sociale.
Po ashtu, Këshilli i Ministrave emëroi edhe Enio Civicin zëvendësministër të Bujqësisë dhe Zhvillimit Rural, ndërsa Vilma Bello u emërua zëvendësministre e Turizmit dhe Mjedisit.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi që Z. Enio Civici emërohet zëvendësministër i Bujqësisë dhe Zhvillimit Rural.
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi që Znj. Vilma Bello emërohet zëvendësministër i Turizmit dhe Mjedisit”, thuhej në njoftimin e qeverisë.
Sakaq, me propozim të kreut të qeverisë, Këshilli i Ministrave vendosi që Bardhylka Kospiri, e cila kishte postin e zëvendësministres së Shëndetësisë dhe Mbrojtjes Sociale, të lirohet nga kjo detyrë.
“Vendim për lirim nga detyra. Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi që Znj. Bardhylka Kospiri, zëvendësministër i Shëndetësisë dhe Mbrojtjes Sociale, të lirohet nga kjo detyrë. Ky vendim hyn në fuqi menjëherë”, thuhet në vendimin e qeverisë.
