Zgjedhja e tij si President i Shtetit, ka bërë që Meta të marrë një vendim të ri. Sigurisht, tashmë ai nuk identifikohet si anëtar i LSI-së, prandaj Presidenti i Shtetit është kujdesur që të jetë aktiv edhe në komunikimin virtual me të gjithë shqiptarët.
Vetëm pak orë para nisjes së ceremonisë së betimit, stafi i Metës është kujdesur për hapjen e faqes zyrtare të Presidentit.
Në faqen e re është transmetuar drejtpërdrejt ceremonia e betimit dhe më vonë në mbrëmje, edhe intervista e parë dhënë për Top Channel.
Vetëm 15 orë pas krijimit të faqes zyrtare në Facebook, Presidenti Meta ka mbi 3600 pëlqime, të cilat pritet të shtohen së shpejti.
