Ish-eurodeputeti i Parlamentit Evropian, Knut Fleckenstein ka komentuar ditën e sotme vendimin e Metës për çdekretimin e datës së zgjedhjeve.
Përgjatë një takimi me temë “Shqipëria dhe perspektiva e saj evropiane”, Fleckenstein ka deklaruar publikisht se është përditësuar rreth situatës aktuale politike në Shqipëri dhe se është njohur gjithashtu me vendimin e Metës.
Për këtë të fundit, ish-eurodeputeti tha se duhet ta marrim seriozisht: “Kam lexuar që Presidenti është i shqetësuar për situatën dhe se ajo mund të dalë jashtë kontrollit. Ne duhet ta marrim këtë seriozisht edhe pse ne nuk na takon që të ndërhyjmë në politikën e brendshme të Shqipërisë”.
Kujtojmë se paraditen e sotme është zbardhur projekt-rezoluta e PS-së në të cilën i bëhej thirrje për reflektim Metës.
Ky i fundit ka njoftuar një konferencë për shtyp që pritet të mbahet në orën 16:00.
