Kryeministri në detyrë, Ramush Haradinaj, ka përcjellë një lajm mjaft të mirë ndaj qytetarëve në Kosovë. Me anë të një statusi në Facebook, ai njofton se ka marrë vendimin që data 28 nëntor të shpallet ditë pushimi në Kosovë.
Ky vendim është ndërmarrë, për të respektuar vlerat e traditës kombëtare shqiptare. Më tej ai sqaron se vendimi në fjalë, është i motivuar nga aspekti historik, tradicional dhe politik.
“Me rastin e Ditës së Flamurit, mbështetur në Ligjin për Festat Zyrtare, kam marrë vendim që 28 Nëntori, të shpallet ditë pushimi në territorin e Republikës së Kosovës, për t’i respektuar vlerat e traditës kombëtare shqiptare. Vendimi, që 28 Nëntori të jetë ditë pushimi, është i motivuar nga aspekti historik, tradicional dhe politik”.
