Kryeministri Edi Rama ka dalë në një konferencë për shtyp, ku ka dhënë detaje lidhur me vendimet e marra në mbledhjen e Këshillit të Ministrave.
Rama ka njoftuar se do të vendosen rreth 150 oficerë policie në shkolla, për të rritur sigurinë në ambientet shkollore. Po ashtu, Rama tha se do zbatohet heqja përfundimtare e celularëve për nxënësit, por edhe për mësuesit.
Fjala e Ramës
Vendime të rëndësishme të marra në mbledhjen e Këshillit të Ministrave. 150 oficerë policie në shkolla për rritjen e sigurisë.
Oficeri nuk është një polic, por është një kujdestar, ndërmjetës mes prindërve, fëmijëve e mësuesve dhe një vëzhgues i posaçëm me një trajtim shumë specifik. Kjo do të na japë një bazë të re sigurie dhe rendi në shkolla. Ministri i brendshëm i Austrisë preku dëshirën që të ketë një bashkëpunim për këtë program. E vërteta është se problemet në shkolla, sidomos në gjimnaze janë probleme që nuk janë vetëm shqiptare por që i hasin të gjitha vendet. Vendet e pasura hasin problemin e drogave të forta. Po punojmë për të zbatuar vendimin e heqjes përfundimtare të celularëve në shkolla.
