Deputetja e zgjedhur e Partisë Demokratike Albana Vokshi, e ka cilësuar si presion ndaj Gjykatës Kushtetuese, vendimin e Këshilli Kombëtar i Territorit, për miratimin e lejes. për ndërtimin e Teatrit të ri Kombëtar.
Përmes një deklarate, Vokshi u shpreh se qeveria po shemb shtetin e së drejtës, pas shembjes barbare që i bëri Teatrit. Sipas tij, teatri i ri do të ndërtohet me kulla dhe duke shtuar borxhin publik, çka përbën shkelje totale të ligjit.
Ndër të tjera, Vokshi tha se cendimi i sotëm është një tjetër akt i arbitraritetit, dhunimit të ligjit, gjykatave dhe interesit publik, që dëshmon se masakra zgjedhore e 25 Prillit nuk zgjidhi asgjë pë shqiptarët.
Albana Vokshi: ”Pasi shembën barbarisht Teatrin, po shembin shtetin e të drejtës. Vendimi i KKT është presion mbi Gjykatën Kushtetuese. Në fillim thanë se teatri duhej bërë me PPP dhe kulla sepse nuk kishin para. Mashtruan! Sot thonë se teatri do bëhet duke shtuar borxhin publik, pa kulla. Mashtrojnë! Pasi shembën barbarisht dhe në shkelje totale të çdo norme e ligji godinën historike, sot po shembin shtetin e së drejtës dhe po ushtrojnë prsion mbi vendimmarrjen e Gjykatës Kushtetuese, duke vendosur fillimin e punimeve për të ashtuquajturin Teatri i Ri.
Veliaj thotë 0 Kulla, por nxitimi për të filluar punimet zbulon qartë që interesi i regjimit Rama-Doshi nuk është arti, as kuktura, as Teatri, por vetëm fitimet marramendëse nga projekti korruptiv i kullave që do të shërbejnë si lavatriçe e parave të pista të krimit e korrupsionit. Vendimi i sotëm është një tjetër akt i arbitraritetit, dhunimit të ligjit, gjykatave dhe interesit publik, që dëshmon se masakra zgjedhore e 25 Prillit nuk zgjidhi asgjë pë shqiptarët. PD do të jetë deri në fund në krah të betejës së Aleancës për Teatrin dhe qytetarëve shqiptarë për rikthimin e legjitimitetit dhe demokracisë në vend.”