Vendimi i Kolegjit Zgjedhor është pritur sot me shumë interes, teksa vendosi lidhur me fatin e zgjedhjeve të 30 qershorit.
Megjithatë, vendimi i marrë është përcjellë me disa lapsuse nga Kryesuesi i pesëshes gjykuese. Ky i fundit ngatërroi datën e shpalljes së vendimit, teksa tha se vendimi u mor më 26 qershor, ndërsa edhe emrin e partisë që priste vendimin e tha gabim.
Nga Parti të Unitetit Kombëtar, kryesuesi i seancës e bëri “Parti të Komitetit Kombëtar”. “Tiranë më 26/06/2019, seancën e deklaroj të mbyllur, tha kryesuesi i kësaj seance, duke harruar që sot data shënon 24 dhe jo 26 qershor.
Nuk dihet nëse lapsuset e bëra ishin për shkak të emocionit apo nxitimit për ta thënë sa më shpejt vendimin e shumëpritur nga të gjitha palët.
