Qeveria ka aprovuar shpërblimin për pensionistët. Për festat e fundvitit, qeveria ka vendosur që të japë 3 mijë lekë të reja shpërblim për të gjithë pensionistët.
Ndonëse u përfol që pas tërmetit qeveria do të anulonte shpërblimet e fundvitit për pensionistët, siç duket Rama nuk do t’i lërë ‘pa gjë’.
Vendimi është marrë në mbledhjen që kryeministri Rama zhvilloi me ministrat, ku prezent ishte edhe ministrja e Financave, Anila Denaj, e cila kishte paralajmëruar se shpërblimi për pensionistët ishte ‘në rrezik’ për shkak të planizimeve në buxhet.
Në përfundim të mbledhjes, ministrja Denaj tha se vendimi është një premtim i mbajtur nga qeveria. “Shpërblim 3 mijë lekë për të gjithë ata që trajtohen me pension. Mbajtëm zotimin për shpërblimin e pensionistëve. 663 mijë pensionistë do të shpërblehen”, u shpreh ajo.
Sipas saj, ndonëse ishte një vit jo i lehtë, duke i shtuar pasojat e tragjedisë së tërmetit, qeveria miratoi bonusin.
Më herët, kryeministri Edi Rama njoftoi se vendimi do të merrej në mbledhjen e qeverisë, që u zhvillua sot në orën 11:00.
‘Sy e veshë’ nga qeveria, sot vendoset për shpërblimin e pensionistëve
