Në një bashkëbisedim me gazetarët për planin e rimëkëmbjes nga pandemia, kryedemokrati Basha tha se ndodhemi në një situatë katastrofale.
Ai u shpreh që në krye të herës se pandemia u keqmenaxhua, dhe se vendi prej më shumë se 6 muajsh po lëngon. Duke akuzuar qeverisë se thjesht po bën propagandë, kreu i PD-së tha se shqiptarët nuk kanë mundësi që të blejnë ushqime.
Basha shtoi se shqiptarët nuk mund të vuajnë më, dhe se PD ka një plan konkret për të dalë nga kriza që e ka pllakosur vendin.
“Vendi po përballet me një katastrofë. Plani i rimëkëmbjes dhe 5 hapa për t’u përballur me krizën, produkt i konsultuar me të huajt dhe kontribut i PD në këtë fazë kritike.
Shumica dërrmuese e Tiranës nuk kanë mundësi të blejnë ushqime as me lista. Ky është një realitet i përditshëm, konsumi ka rënë në pikiadë se paketa e ndihmës nuk kalon 101 mln euro.
Është qesharake krahasuar me atë që ka disbursuar Kosova. Sa i përket shëndetësisë, është përkeqësuar gjendja e armatës, e vijës mbrojtëse, i cili sot gjendet edhe më i ekspozuar. I cili nuk ka marrë pagesën e premtuar nga qeveria si mbështetje për përballjen me këtë virus dhe nuk ka kapacitetet e nevojshme për t’u përballur me këtë virus.
Kanë nisur shkollat, me infektime masive të mësuesve dhe kështu me një mungesë totale masash efikase për t’u përballur me këtë situatë. Sezoni do të ketë edhe të tjera sfida, siç është gripi sezonal, që e kemi kërkuar vaksinimin total të popullsisë”, tha Basha.
