New York mbetet vendi më i prekur nga koronavirusi në Shtetet e Bashkuara të Amerikës.
Sipas mediave të huaja, në 24 orët e fundit kanë humbur jetën 671 persona, duke e çuar në 10,056 numrin total të viktimave.
“Sot, u raportuan 671 vdekje të reja të regjistruara në 24 orët e fundit”, njoftoi guvernatori i shtetit, Andrew Cuomo.
Numri total i viktimave të shënuara në New York është pothuajse sa gjysma e numrit total të viktimave të shënuara në SHBA.
SHBA është vendi më i prekur nga koronavirusi në botë, teksa shënon më shumë se 567 mijë raste dhe mbi 22 mijë viktima.
Vendet e tjera më të prekura nga COVID-19 në SHBA janë: New Jersey, Massachusetts, Michigan, Pennsylvania, California, Louisiana etj.
Mbi 1,8 milionë njerëz nga e gjithë bota janë prekur nga koronavirusi, ndërsa mbi 117 mijë persona kane humbur jetën.
