Pas Italisë, Spanja është vendi i dytë në Evropë e cila po vuan më shumë pasojat e koronavirusit.
Mediat e huaja raportojnë se vetëm në 24 orët e fundit, në këtë vend janë shënuar 132 viktima.
Sipas Worldometer, numri total i viktimave të regjistruara nga koronavirusi në Spanjë ka shkuar në 623. Ndërkohë pothuajse 14 mijë raste infektimi janë shënuar në këtë shtet, prej të cilëve janë shëruar 1,081 pacientë.
Madridi dhe Katalonja regjistrojnë numrin më të madh të infektuarve nga virusi vdekjeprurës.
Spanja renditet në vendin e pestë në botë për nga numri i rasteve të konfirmuara pas Kinës, Italisë, Iranit dhe Koresë së Jugut.
