Pak më herët, kryeministri Rama publikoi fashat e reja të orareve të lëvizjeve, që për zonat e kuqe do të jenë deri në orën 21:00, ndërsa në zonat e gjelbra s’do të ketë kufizim.
Kreu i qeverisë apelon edhe për ndërgjegjësim, pasi siç thekson ai, me heqjen e të gjitha autorizimeve të lëvizjes, ekspozimi ndaj infeksionit rritet.
“Miq, me heqjen e të gjitha autorizimeve të lëvizjes, ekspozimi ndaj infeksionit rritet shumë dhe barra e çdo individi për të ruajtur veten e të tjerët gjithashtu!
Ju lutem bëni më të mirën tuaj si deri tani dhe kujdes në mënyrën më të veçantë më të moshuarit e të sëmurët në familjet tuaja, të cilët duhet të vetëkufizojnë daljet maksimalisht”, shkruan Rama.
