Zbardhen detaje të reja në lidhje me vrasjen e ndodhur mbrëmjen e sotme në Elbasan, ku mbeti i vrarë 41-vjeçari Everest Çaka.
Mësohet se Caka është djali i tezes së Arjan Spahiut, kunatit të Erion Alibejt, një prej personazheve më të komentuar të botës së krimit në qytet. Por edhe 41-vjeçari nuk ishtë pa histori mbi supe
Çaka akuzohej për vrasjen e shoferit të autobusëve, Gëzim Alikaj, ngjarje e ndodhur në vitin 2021. 52-vjeçari u gjet pa jetë pranë urës së Zaranikës, me plumb në kokë.
Pas hetimeve, policia e Elbasanit prangosi 3 persona si të dyshuarit kryesorë për vrasjen, mes tyre dhe viktima e sotme dhe kushëriri i tij, i cili asokohe mbante emrin Ardit.
Në prangat e Policisë ranë: Ibrahim Caka, Elton Hyka si dhe Ardit Spahiut, që të tre banorë të Elbasanit. Shkak për vrasjen asokohe u konsiderua historia e ndodhur në 2007, në shtetin e Spanjës, ku vëllai i viktimës, së bashku me një shtetas tjetër ekzekutuan vëllanë 25-vjeçar të Çakës, pas një grindjeje të momentit në një disko në Barcelonë.
Si ndodhi vrasja
41-vjeçari është ekzekutuar me armë me silenciator mbrëmjen në makinë në sy të gruas së tij në lagjen “Skëndërbej” në Elbasan. Si pasojë e të shtënave me armë ka mbetur e plagosur në dorë, jashtë rrezikut për jetën, edhe gruaja e tij, Silvana e cila ndodhej bashkë me të në makinë. Dyshohet se autorët që e kanë qëlluar kanë qenë dy persona dhe ende nuk janë identifikuar.
Në vendin e ngjarjes janë forca të shumta policie, teksa i pranishëm është edhe vetë drejtori i Përgjithshëm i Policisë së Shtetit, Ardi Veliu dhe prokurori Kreshnik Ajazi.
Shërbimet e Policisë kanë rrethuar zonën, teksa janë ngritur pika kontrolli në hyrje – daljet në qytetin e Elbasanit dhe vijon kontrolli i zonës. Në vendin ku është kryer ekzekutimi të vetmet kamera sigurie janë të një shtëpie 150 metra larg vendit të ngjarjes, teksa zona përreth është errësirë.
