E enjte, 21 Tetor, 2021
8.5 C
Tirana

Vëllai i vendos trit*l në makinë ish-kandidatit të pavarur për deputet

Mesnatën e së premtes, makinës së kryetarit të sindikatës së minatorëve, Elton Debreshit, iu vendos tritol. Mjeti ishte parkuar në oborrin e shtëpisë së Debreshit, dhe fatmirësisht nuk pati të lënduar.

Policia ka zbardhur ngjarjen, ndërsa autori i vendosjes së tritolit është i vëllai i tij. Specialistët për Hetimin e Krimit në Komisariatin e Policisë Bulqizë, nën drejtimin e Prokurorisë, bënë të mundur zbardhjen e ngjarjes ku dhe u arrestua në flagrancë shtetasi Alfred Debreshi, 29-vjeç, banues në Bulqizë.

Ky shtetas dyshohet se është autori i vendosjes së lëndës plasëse në automjetin tip ‘Mercedez Benz’, në pronësi të vëllait të tij.

Njoftimi

Bulqizë

Zbardhet ngjarja e ndodhur mesnatën e datës 27.08.2021, ku automjetit të shtetasit E. D., iu vendos një sasi e vogël lënde plasëse. Vihet në pranga autori i dyshuar. Në vijim të punës për zbardhjen dhe dokumentimin e ngjarjes së ndodhur mesanatën e datës 27.08.2021, falë veprimeve të shpejta profesionale dhe hetimore, specialistët për Hetimin e Krimit në Komisariatin e Policisë Bulqizë nën drejtimin e Prokurorisë, bënë të mundur zbardhjen e ngjarjes, dhe si rezultat u arrestua në flagrancë shtetasi: Alfred Debreshi, 29 vjeç, banues në Bulqizë, pasi ky shtetas dyshohet se është autori i vendosjes së lëndës plasëse në automjetin tip ‘Mercedez Benz’, në pronësi të vëllait të tij shtetasit E. D. Materialet procedurale i kaluan Prokurorisë pranë Gjykatës së Shkallës së Parë Dibër për veprat penale “Shkatërrimi i pronës me eksploziv”; “Mbajtja pa leje e lëndëve plasëse” dhe Deklarim i rremë para oficerit të policisë gjyqësore”.

Debreshi ka kandiduar në zgjedhjet e 25 prillit si deputet i pavarur në Dibër, edhe pse nuk arriti të marrë votat për të siguruar mandatin. Ai gjithmonë ka ngritur zërin për të drejtat e minatorëve, dhe vetëm së fundi mundi të marrë pagat për 15 muaj, pas një vendimi të gjykatës për pushimin e padrejtë nga puna.

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...