Kryetari i Bashkisë së Tiranës Erion Veliaj tregoi arsyen se përse u vendos që Teatri Kombëtar të shembej natën.
Sipas tij, vendimi u mor për të shmangur përplasjen fizike me qytetarët.
“Konflikti mbi teatrin eskaloi kur u përfshi politika. Ne gjykuam se do të ishte e rrezikshme për protestuesit nëse do të prishej ditën. Unë kam përjetuar 21 janarin kur Berisha të vriste me duar në xhepa.
Ne zgjodhëm momentin me riskun më të vogël, prandaj e bëmë ndërhyrjen në atë orë, më vjen mirë që nuk patëm të lënduar, as përdorim përtej eksesit të forcës, përtej shoqërimit për okupimin e hapësirës publike apo partive të mbaruara”, u shpreh ai.
