Kandidati i PS për Tiranën, Erion Veliaj, pas procesit të votimit, ka përsëritur apelin që të gjithë qytetarët ti drejtohen qëndrave të votimit, për të ndryshuar rrjedha e jetës, e për një jetesë të paqtë për çdo familje.
Ai tha në një prononcim të shkurtër për mediat se ishte i emocionuar, e ndërsa i rikujtoi edhe një herë qytetarëve që të nxitojnë të shprehin vullnetin e tyre.
“Unë e di që kanë inate të vjetra, pazare të pambulluara. Këto zgjedhje janë për qytetarët tanë, për çerdhet, për kopshtet. Jam i lumtur e në të gjithë qytetin ka radhë për të votuar”.
Veliaj zgjodhi të falenderojë edhe kundërshtarin e Bindjes Demokratike, Arben Skënderin, një çun tirone siç tha, që ka vendosur t’i rrisë fëmijët e tij në këtë vend.
“Dua të falenderoj kundërshtarin, Arben Skënderin. Kemi vendosur që fëmijët ti rrisim këtu, rrënjët ti hedhim këtu. Këto zgjedhje janë për ata që na bashkojnë.
Sot është një ditë e nxehtë, do ti ftoja qytetarët që të gjenin një moment, dhe pse ka radhë. Votoni si e vetmja mënyrë që vota të ndryshojë realitetin. Ju uroj një ditë të mbarë, e paçi një ditë sa më të lehtë në këtë vapë!”, u shpreh Veliaj.
