Veliaj, edhe një herë tjetër i ka mëshuar faktit se është i vendosur për ti shkuar deri në fund çështjes së Teatrit. Ai ka përveshur “mëngët”, dhe ka sulmuar këshilltarët e PD-së, duke u thënë se vijnë në mbledhje vetëm për të marrë lekët, pasi nuk janë të zotë për asgjë. Por ai nuk e ka lënë me kaq, duke u kujtuar se ardhja pas Bashës, nuk do u sjellë asnjë të mirë.
“Po hyjmë në një fazë destruktive para zgjedhjeve. Më thoni çfarë pune bëni, që të bëj. Vini vetëm për të marrë lekët. S’bëni asnjë punë. Mirë mo, ndiqeni të gjithë Lulin, por e dini të gjithë se ku do përfundojë kjo histori. Jam i vendosur që të ecim përpara me Teatrin”.
Kryeatri i Bashkisë së Tiranës, përshëndeti peticionin e artistëve, të cilët i kërkojnë Metës që të japë “OK” për ndërtimin e Teatrit të ri.
https://tiranatoday.com/artistet-i-kerkojne-metes-te-jape-ok-per-ndertimin-e-teatrit-te-ri-veliaj-i-nxjerr-inatin-opozites-me-ke-beni-teater/
Gjatë mbledhjes së Këshillit Bashkiak, Veliaj ka thënë se nuk është i habitur nga këshilltarët e PD-së, të cilët braktisën mbledhjen, e në të njëjtën kohë e cilësoi kryetarin demokrat si një kalama të papjekur.
“Sapo më kanë informuar që të gjithë artistët kanë firmosur një peticion. Ne po i marrim kështu: Kemi 200 metra tokë këtu, na jepni 300 metra kopsht këtu, 2000 metra shkollë atje. Luli një kalama i papjekur. Arkitekti që qyteti i New York i ka besuar të gjithë parqet, komisariatin e Policisë të New Yorkut. Si mund të jetë kaq kalama kryetari i PD-së, që thotë ‘non grata’ për arkitektin e Teatrit të Ri. Dy shkolla në Tiranë kanë marrë emrat e dy artistëve, njëra prej tyre të Drita Pelingut”, tha Veliaj.
