Pas sms-ve të publikuara nga Ylli Ndroqi që pretendonin një bisedë të tij me kryebashkiakun e Tiranës, Erion Veliaj, lidhur me gazetaren Beti Njuma, një reagim u përcoll nga presidenti Meta.
Kreu i Shtetit i dilte në krah gazetares Njuma, ndërsa ftonte gazetarët që t’i shkruajnë atij në rastet kur pronarët e tyre dorëzohen para ‘presioneve të pushtetit’.
Por një kundërpërgjigje e menjëhershme ka ardhur nga Veliaj, i cili i kujton video përgjimin me Dritan Priftin.
Kryebashkiaku i Tiranës, Erion Veliaj, ka komentuar propozimin e presidentit Meta për të hapur një media me gazetarët, që sipas tij, janë shantazhuar nga qeveria e Ramës. Përmes një postimi në rrjetet sociale, Veliaj shprehet se Meta me historinë e 7 për qindëshit ka para për ta mbajtur një media gjatë gjithë jetës.
Statusi
Lajm i mirë që Ilir Meta ka marrë iniciativën për një media të re transparente dhe kritike me pushtetin. Ai ka jo vetëm lekët por dhe historinë e tij të 7 për qindshit, që mund ta mbajë gjallë këtë medie si me para ashtu dhe me permbajtje gjithë jetën! Suksese!
Lajm i mirë që Ilir Meta ka marrë iniciativën për një media të re transparente dhe kritike me pushtetin.
Ai ka jo vetëm lekët por dhe historinë e tij të 7 për qindshit, që mund ta mbajë gjallë këtë medie si me para ashtu dhe me permbajtje gjithë jetën! Suksese! ✌️ pic.twitter.com/cfhXSZCLtN
— Erion Veliaj ?♂️?⚽️?? (@erionveliaj) August 18, 2020
