Erion Veliaj ishte sot në Zall-Herr në kuadër të fushatës së tij elektorale. Gjatë fjalës së tij nuk munguan as ironizimet sa i përket vizitës së Bashës në Gjermani.
Kryebashkiaku Veliaj tha se kryetari i opozitës Basha shkoi në Gjermani për të takuar Merkelin që të marrë mbështetje, por që në vend të saj takoi vetëm një prift.
“Basha tha do të shkojë në Gjermani do ta takoj Merkelin, do të vijë mbështetja e jashtëzakonshme, as Merkelin nuk e takoi as mbështetje nuk mori, takoi një prift, por ne kishim në Tiranë, pse u lodh atje?! Ta kishim çuar të ishte falur këtu”,u shpreh Veliaj.
Sipas Veliaj, Gjermania e ka shprehur mbështetjen e saj për Edi Ramën, duke i kujtuar kështu kryetarit demokrat edhe disa nga premtimet e tij të pambajtura sipas Veliaj, si lënia e rrugës Durrës- Kukës të hapur apo edhe shitjen e detit shqiptar grekëve.
“Gjermania ka dalë në krah të Edi Ramës dhe me shkuar një javë para proteste dhe me takuar një prift dhe me thënë mora uratën me shkatërruar Tiranën, kjo është thyer inteligjencën. Ke lënë rrugë të hapura nga Durrës-Kukës, 21 Janari dhe deri te shitja e detit. Do të kalojë protesta sot, do të bëhen akoma më pak.
Në 2015 kam qenë me Presidentin këtu, atëherë përfaqësonte forcën tjetër të koalicionit. Ata kishin premtuar rrugët, pavarësisht se ikën nga koalicioni burri që është burrë e mban fjalën, rruga e Çekrezës dhe Kasallës është bërë. Ne nuk pyesim me kë e kemi koalicionin dhe marrëveshjen, edhe nëse një forcë e majtë shkon te prehri i Saliut, apo çamët te Dulja, PS-ja e mban fjalën”, vazhdoi Veliaj.
Kryebashkiaku i Tiranës i bën thirrje demokratëve se ku do të shkojnë ata pas shkatërrimit të Tiranës, pasi sipas tij kryetari i opozitës do të shkojë në Holandë, duke iu referuar protestës që do të zhvillohet ditën e sotme.
“Shkoni dhe flisni me një demokrat dhe sot pas dhunës, e pyesni sa pemë këpute dhe ndërtesa shkatërrove dhe ta pyesni a ndiheni mirë? Nëse skuqen u thoni ka gjithmonë një moment për të refuzuar një kulturë të verbër që e ndjek pas tjetrin si me qenë dele.
Këta punëtorë nuk meritojnë të jenë pushim, pasi duhet të jenë në gatishmëri për të pastruar, apo policët e zjarrfikësit. Jemi në mbështetje të policisë pasi nuk ndodh në asnjë vend që një bandë të sulmojë policinë. Voltana Ademi nuk do të kishte zgjatur një minutë thotë do të sulmoj me molotov. Pyetja që kam për demokratët është; e shkatërrove Tiranën, ku do të shkosh, pasi Luli do të shkojë në Holandë? Bujar Nishani i bëri fëmijët austriakë.
Nëse demokratët kanë të gjitha vila në Holandë dhe fëmijë i kanë bërë si Jari austriakë, bujrum dhe keni të drejtë. Saliu na çmendi, i rri Shqipërisë si mallkim, nuk e shoh dot me sy. Në 1997 na futi në gjakderdhje, vijoi me Gërdecin, pastaj vrau njerëz në rrugë, këtu policia mirë se nuk po të jep edhe lule. Por çdo gjë ka një limit, i referohem datës 30 kur i themi mirupafshim plakut Mere, Lulit dhe Jarit”, tha ai.
Sot në orën 19:00 opozita do të mbajë protestën e saj të 8 kombëtare kundër qeverisjes së kryeministrit Rama.
