Kreu i Bashkisë së Tiranës, Erion Veliaj, së shpejti do të bëhet baba, e ndërsa pritet që në jetë të vijë një djalë, për të cilën tashmë kanë filluar të mendojnë për emrin. Teksa ishte i ftuar në emisionin ‘Pop Kulture’, ai ka thënë se emrin e djalit ia ka lënë t’a vendosë bashkëshortja, duke i dhënë goxha përgjegjësi në të njëjtën kohë.
“Për emrin e djalit do të vendosë Ajola, dhe me shumë kënaqësi ia lashë këtë përgjegjësi. Sigurisht që konsultohem, por kur e shoh se sa e ndjeshme është, mendoj se është më mirë të zgjedhë ajo”, tha Veliaj.
Kryebashkiaku ndau edhe një episod kur i kishte thënë bashkëshortes së tij Ajola Xoxa: “Po sikur djalin ta quajmë Trim?”, e ndërsa Ajola reagon: “Po sikur mos të dojë të jetë trim? Pse ta mbajë këtë emër gjithë jetën? Po sikur të dojë të jetë poet?”.
I thumbuar nëse u lumturua që do të bëhej baba i një djali, si një mashkull tipik shqiptar, ai shtoi: “Thonë që çunat lidhen me nënat, mesa duket vitin tjetër do të jetë vajzë”.
