Pak kohë më parë disa lajme false që informonin për vdekjen e presidentit të Serbisë, Aleksandar Vuçiç pushtuan mediat serbe dhe jo vetëm.
Ndërkohë gjatë ditës së sotme, Ministria e Punëve të Brendshme të Serbisë ka njoftuar se kanë arrestuar 67-vjeçarin me inicialet R.M., arsye se kishte postuar një lajm të “rremë” në Facebook se presidenti i Serbisë, Aleksandër Vuçiç, kishte vdekur.
67-vjeçari është arrestuar me akuzën për krimin e rrezikimit të sigurisë. Të dyshuarit i është gjendur edhe një pistoletë në apartamentin e tij, e cila është konfiskuar me urdhër të prokurorisë.
Sipas Gazetës Express, i dyshuari është dërguar në paraburgim 48 orë, ku më pas do të shfaqet para gjykatësit kompetent me një raport kriminal.
