Ish-sekretari i përgjithshëm i Kombeve të Bashkuara Kofi Annan ka ndërruar jetë në moshën 80-vjeçare. Annan i cili fitoi Çmimin Nobel për Paqe mbi gjithë punën e tij humanitare ndërroi jetë në moshën 80-vjeçare. Ndërsa lë pas një jetë të pasur politike.
Po kush ishte Kofi Annan?: Kofi Atta Annan lindi në Ganë në vitin 1938. Ka shërbyer si sekretar i përgjithshëm i Organizatës së Kombeve të Bashkuara që nga dhjetori vitit 1996.
Mandati iu përtëri në vitin 2002, deri në dhjetor 2006. Në vitin 2001 Kofi Annan mori çmimin Nobel për Paqe.
Annan ka qenë sekretar i përgjithshëm gjatë luftës së Kosovës, dhe luftës në Irak. Ai njihet për kundërshtimin me forcë të pushtimit të Irakut.
Gjatë mandatit të dytë, Annan është akuzuar për korrupsion, pasi djali i tij Kojo Annan kishte marrë ryshfet nga një kompani zvicerane, në lidhje me ndarjen e kontratave në programin për Irakun “Naftë për ushqim” (Oil for Food). TIRANA TODAY
