Në kuadër të luftës së qeverisë kundër informalitetit, kryeministri Rama ka dhënë një mesazh shumë të rëndësishëm biznesmenëve që nuk respektojnë ligjin.
Në faqen e tij në Facebook, Rama ka shpërndarë një foto me një biznesmen teksa shprehet se aksioni i qeverisë nuk do të kursejë as ata që kryeministri ‘i do shumë’, duke lënë të ditur që askush nuk do t’i shmanget bindjes ndaj ligjit.
“Yllin e famshëm të Peshkut në Tiranë, e dua shumë se është punëtor i madh, po ligjin e dua edhe më shumë! Pranej Yllo, se t’kom ene katunarin tim anej nolt, men për her tjetër me kuponat ene mos e harro inglizin, që thotë “Dy gjona jon t’vdekme për robin n’demokraci, vdekja ene taksat”, shkruan Rama në FB.
Por pas këtij postimi, Rama ka marrë një mesazh nga biznesmeni i cili i shkruan: “Haha vallaj vdekjen e disha por kët gjë jo, por me thon të drejtën me reformat që janë bërë jam bërë akoma më i fort. Gati investimi i radhës për 2020. Kuponi toleranc zero”.
Pas këtij mesazhi, ka reaguar sërish kryeministri Rama, duke e falënderuar që e mori me sportivitet mesazhin e tij.
“Falemnerit Yllo, ne katunarët e Tironës e dum shtetin, dihet ajo punë, por pa shaka, rrofsh që s’mi provokove nervat me ndonjë mesazh allasoj. Miqësia miqësi, po llogaria llogari”
