Shtatë persona janë të dyshuar dhe akuzohen për “vrasje me qëllim” të Diego Armando Maradona. Të akuzuarit janë mjekë që i erdhën në ndihmë Maradona-s, përpara vdekjes së tij nga një atak kardiak në 25 nëntor të vitit të kaluar, dhe do të paraqesin kundër akuzat drejt tyre në 31 maj.
Një panel ekspertësh mjekësorë, konkluduan se puna e mjekëve ishte e “papërshtatshme dhe e mangët”. Tani, nëse kjo ngjarje zbardhet, këta persona rrezikojnë të dënohen nga 8 deri në 25 vite burg.
Hetimet
Gazeta “La Nacion” ka botuar e para përfundimet e para të hetimit nga Prokuroria e San Isidro, ku ndër të tjera thuhet: “Sjellje fajtore e mjekëve, neglizhencë serioze”. Menjëherë pas këtij hetimi, prokuroria nisi hetimet për akuzën e “vrasjes pa dashje”.
Sipas raportit, Maradona “nuk u monitorua dhe iu nënshtrua mbikëqyrjes së vazhdueshme mjekësore, siç duhej të kërkonte gjendja e tij”. Shumica e përgjegjësive rëndojnë mbi Leopoldo Luque, mjeku personal i legjendës argjentinase.
Për më tepër, ishte gjithmonë Luque, me drejtorin mjekësor të klinikës Olivos, i cili nënshkroi letrën e largimit pavarësisht sugjerimit të Swiss Medical për të vazhduar me trajtimin psikiatrik, klinik dhe rehabilitues në një institucion ad-hoc.
Në vend të kësaj, Maradona u kthye në shtëpi dhe ndihma e tij “ndodhi në çorganizim total” raporton raporti.
Aq sa Luque u bind që të pushonte nga puna infermieren e parë Gisela Madrid, të cilën Maradona nuk e donte. Sipas raportit, një pacient duhet “të trajtohet sipas praktikës edhe kundër vullnetit të tij”.
Hetimi e përcakton Luque si “të dashuruar me Pibe dhe që donte të hynte në histori si mjeku që kishte shpëtuar Maradonën, i cili kishte besim të verbër tek ai”. Mjeku personal i Maradonës u hetua në gjendje të lirë.
Diego Armando Maradona u nda nga jeta më 25 nëntor, në moshën 60-vjeçare.
