Në nisje të seancës plenare, deputeti Ralf Gjoni u ankua se opozitës nuk po i jepet e drejta e fjalës, dhe deputetët e PS po i lëpihen kryeministrit Rama. Ai u shpreh i shqetësuar në lidhje me mos marrjen e kohës së duhur, për të diskutuar një çështje tejet me rëndësi siç është ajo e pandemisë.
“Në konferencën e kryetarëve që duhet ta mblidhni urgjent, duhet të diskutoni për të ndarë kohën mes deputetëve si deputetë, dhe jo si anëtarë të ndonjë grupi parlamentar, apo konstrukti parlamentar “fake” që krijohen me urdhrat e opozitës. Nuk është normale që në situata kyçe si kjo e koronavirusit, na mohohet e drejta e fjalës dhe debatit.
Druaj se cilësia e jetës parlamentare po cënohet rëndë, dhe ju ftoj që ta rishikoni këtë vendim, që ne të kemi mundësi të bëjmë opozitë. Nëse mazhoranca nuk ka dëshirë të ketë opozitë, do të ketë lëpirësa në këtë Parlament, dhe paçi fat dhe vazhdoni Parlamentin bashkë me lëpirësat tuaj”, u shpreh Gjoni.
