Kryeministri Edi Rama ka mbledhur sot në Kryesinë e Kuvendit, grupin parlamentar të PS-së, ku ka ndarë me ta zhvillimet më të fundit lidhur me integrimin në BE, duke theksuar se vendi ynë është vetëm një hap larg çeljes së negociatave.
Kryeministri Edi Rama në mbledhjen e grupit të Partisë Socialiste ka zbardhur dhe disa pika të takimit me homologun e tij Aleksis Tsipras.
Sipas Ramës është duke u arritur një marrëveshje historike, pasi po punohet në shumë drejtime. Kryeministri tha se po punohet për ligjin e luftës dhe komunitetin çam për ti garantuar atij të drejta të plotë.
Duke komentuar situatën në rajon ai është shprehur se çështja e zgjidhjes së emrit të Maqedonisë me Greqinë, është një proces që po ndiqet dhe se ka interes, pasi po e pengon Shkupin drejt integrimit. Nga ana tjetër Rama u shpreh se biokimi i ligjit të gjuhës shqipe nga Presidenti maqedonas, nuk do ketë ndikim. Por, Rama ka zbuluar dhe detaje nga takimi i fundit që pari me presidentin serb Aleksandër Vuçiç.
“Pajtohem me përshtypjet se momenti i nënshkrimit të një dokumenti të ri për partneritet strategjik është shumë afër. Duhet të presim raportin e shkruar për një sërë temash, që prekin harkun kohor të 70 viteve, duke filluar nga ligji absurd i luftës. Deri rek komuniteti çam për të pasur lëvizje të lirë dhe akses të plotë ligjor për sa i përket të drejtëve të pronësisë.
Po ashtu po punojmë dhe për lehtësimin e të gjithë marrëdhënieve që kushtëzojnë komunitetin e madh të shqiptarëve në Greqi në aspektin e burokracive dhe të lëvizjes, Përfundim i procesit dhe garantimi i këtyre marrëdhënieve, por edhe përmes përfundimit të një marrëveshjeje mes dy ministrive të brendshëm përbëjnë një hap të konsiderueshëm përpara.
Nga ana tjetër e shohim me shumë simpati dialogun me Greqisë dhe Maqedonisë. Këto negociata të vështira do ti hapin rrugë Maqedonisë integrimin e saj në NATO DHE Be.
Po ashtu po ndjekim me shumë vëmendje dhe procesin e zyrtarizmin e gjuhës Shqipe në Maqedoni. Keq ardhje për qëndrimin e presidenti të Maqedonisë, një vendim që nuk ishte surprizë dhe as bllokues.
Vrasja e një përfaqësuesi Serb në Kosovë nuk ka ndikuar për keq në procesin e dialogut të Serbisë dhe të Kosovës. Në kuadër të procesit të Berlinit, ne po hymë në një fazë të re, siç e konstatuam dhe në forumin e Davos, ka një interes në rritje për shumë kompani të huaja në rajonin tonë”.
