Përfaqësuesi italian i OBSH-së, Ranieri Guerra, njofton autoritetet se pritet të ketë vatra të reja të koronavirusit, pas rihapjes. Ajo çfarë mbetet shqetësuese lidhet me faktin se duhet të tregojnë vigjilencë, për të reaguar menjëherë.
Në të kundërt, koronavirusi do ‘shuaj’ Italinë e jo vetëm. “Do të ketë dhe vatra të reja pas rihapjes, dhe këto duhet të evidentohen menjëherë, dhe në një kohë tepër rekord duhet të bllokohen”, tha përfaqësuesi italian i OBSH-së.
Një masë parandaluese janë testet. “Duhen përforcuar kontrollet në territor, si dhe duhen bërë teste nëpër shtëpi”, tha më tej ai.
Për fazën 2, Ranieri Guerra shpjegoi se është bërë një vlerësim i plotë i rrezikut. “Ka pasur një diskutim intensiv midis Komisionit të Rihapjes dhe Komitetit Teknik Shkencor, për të kuptuar se cilat janë implikimet për sigurimin e punonjësve, të përfshira në momentin e lëvizshmërisë. Në mënyrë që të bëhet kthimi në një strukturë efektive prodhuese sa më shpejt të jetë e mundur”.
