Pas meshës të së dielës, në të cilën u lut që emigrantët dhe refugjatët të mos përjashtohen nga shoqëria, Papa Françesku, zbuloi një surprizë për të pranishmit. Pas pak do të inauguroj një skulpturë, që ka si temë këto fjalë nga ‘Letra drejtuar Hebrenjve’: Mos harroni të tregoni mikpritje për të huajt. Dhe disa prej tyre treguan mikpritje edhe ndaj engjëjve, pa e ditur këtë gjë. Pastaj ai shkoi në njërën cep të sheshit, për të përuruar monumentin.
Pesë emigrantë, mes tyre një nënë që po mbante në krahë fëmijën e saj që flinte, zbuluan veprën e quajtur “Engjëj të pafajshëm”. Statuja spektakolare, është bërë prej bronzi dhe argjile, dhe shfaq 140 statuja të përmasave reale, ku secila prej tyre përfaqëson fytyrën e një emigranti aktual ose të dikurshëm. Që të gjithë, ndodhen në të njëjtën barkë.
Artisti i veprës, Timothy Smalls, i shpjegoi Papës domethënien:Këtu ka irlandezë që i shpëtuan zisë së bukës, refugjatë nga Siria, një hebre që u shpëtoi nazistëve, dhe një meksikan që dëshiron të kalojë kufirin për të hyrë në Shtetet e Bashkuara. Bamirësi që e financoi veprën, i shpjegoi motivimin e tij.
Papa Françesku e pa më vëmendje veprën, dhe më pas u largova i kënaqur. Monumenti do të qëndrojë në sheshin Shën Pjetër për disa muaj, dhe më pas do të udhëtojë nëpër vendet e botës, duke përfaqësuar çdo emigrant./ TIRANA TODAY
