Nënkryetari i LSI-së, Petrit Vasili, ka reaguar në lidhje me fondin e përcaktuar nga qeveria për familjet e prekura nga tërmeti.
Përmes një postimi në Facebook, Vasili kërkon nga qeveria që t’u tregojë të gjithëve sa fonde ka vënë në dispozicion në lidhje me këtë situatë.
“Vetëm Qeveria e Shqipërisë, që duhej të ishte e para mbi të parat, që t’u tregonte të gjithëve se sa fonde ka vënë në dispozicion për këtë tragjedi të tmerrshme nuk ka treguar deklaruar e publikuar hiçgjë, asnjë lek të vetëm”, shkruan ai në postimin e tij.
Postimi i plotë:
Qeveria te deklaroje sa eshte fondi per tragjedine dhe te lere fjalet boshe ???
Se sa dhuron Qeveria e Kosovës, e Maqedonisë, Vatikani, Dua Lipa, Rita Ora, Kastrati, Mane etj etj i morem vesh te gjithe me shifra e me ccdo gjë.
Vetem Qeveria e Shqiperise, qe duhej te ishte e para mbi te parat, qe tu tregonte te gjitheve se sa fonde ka vene ne dispozicion per kete tragjedi te tmerrshme nuk ka treguar deklaruar e publikuar hicgje, asnje lek te vetem.
Kjo eshte e turpshme.
Si mundet te ndodhe kjo??
Cdo hap per te perballuar kete hall te jashtezakonshem fillon nga financimi.
Kur qeveria nuk ben publike financimin e saj si mund te frymezoje donacionet nga te tjeret.
Apo kerkon tja hedhe si heret e tjera.
Te kaloje ditet e para dhe pastaj ben sikur harron dhe fillon propaganden.
