Kreu i grupit parlamentar në LSI, Petrit Vasili ka hedhur akuza ndaj ambasadores së BE-së Romana Vlahutin. Me anë të një postimi në rrjetin social “Facebook”, Vasili ka deklaruar se Vlahutin po hesht pas dhunës që po i bëhet ligjit të shërbimit civil.
Vasili thekson qartë se raporti korrekt dhe ligjor i Komisionerit të Shërbimit civil zbulon qartë se më shumë se një e treta e nëpunësve civil janë emëruar në kundërshtim me ligjin e shërbimit civil. “Ligji për shërbimin civil dhunohet nga qeveria në mes të ditës ndërsa BE në Tiranë hesht”, shkruan Vasili.
Postimi i plotë i Petrit Vasilit:
Ligji i sherbimit civil dhunohet,ndersa Vllahutin hesht.
Raporti korrekt dhe ligjor i Komisionerit te Sherbimit civil zbulon qarte se me shume se nje e treta e nepunesve civil jane emeruar ne kundershtim me ligjin e sherbimit civil. Ka edhe mjaft fakte te tjera ne kete raport te komisionerit i cili ben nje skaner trondites se si ky ligj po zhbehet dita dites.
Edhe shqiptari me i fundit e ka shume mire te fiksuar qe ne 2013 miratimi i ligjit te sherbimit civil ishte kusht i pakapercyeshem per integrimin europian e marjes se statusit te vendit kandidat dhe u kerkua me insistim nga Bashkimi Europian.
Ishte pikerisht miratimi i tij perpara zgjedhjeve te 2013,qe mundesoi me pas rekomandimin e BE per statusin e vendit kandidat per Shqiperine.
Ligji per sherbimin civil dhunohet nga qeveria ne mes te dites ndersa BE ne Tirane hesht.
Per shkak se ky ligj ishte kusht i integrimit europian dhe monitorohet fort nga BE ne Bruksel heshtja e BE ne Tirane eshte nje pergjegjesi serioze politike.
BE ne Tirane ka qene shpesh e papertuar per te folur,komentuar e sugjeruar edhe per mjaft ceshtje ku do kishte ndihmuar me shume duke mos folur.
Pse hesht Vllahutin dhe mbyll syte para dhunimit te ligjit te sherbimit civil, qe po shperben dhe po politizon ne themel administraten publike te ketij vendi.
