Pas mbledhjes së Këshillit Politik, përfaqësuesi i Lëvizjes Socialiste për Integrim, Petrit Vasili, zbuloi se opozita ka bërë një propozim të ri për Komisionin Qëndror të Zgjedhjeve. Vasili është shprehur se opozita nuk mund t’i lejojë Partisë Socialiste të përsëriste një 30 qershor të ri.
“Propozimi i ngjashëm me mekanizmin që u ndërtuan institucionet e Reformës në Drejtësi dhe çuditërisht mazhoranca ka pranaur një formulë për organet në drejtësi, nuk pranon Reformën Zgjedhore. Të gjithë garancitë riprodhohen ashtu siç janë.
Në të tre korpuset e KQZ, duhet raporti 3 me 2 por nuk mund të bëhet 5-0 për PS. Nuk mundet që garancia të zhbëhet. Në tërësinë e saj, propozimi ynë garanton ekuilibrin në marrjen e vendimeve, ka 0 privilegje për opozitën, por nuk i jep mundësinë PS që të prodhojë një 30 qershor të ri”, u shpreh Vasili.
