Ish-kreu i grupit parlamentar të LSI-së Petrit Vasili, drejtpërdrejtë nga selia e LSI ka mbajtur një deklaratë për mediat. Vasili është drejtuar me akuza ndaj qeverisë për gjendjen e vështirë në të cilën ndodhet situata politike në vend. Sipas tij kryeministri Rama është shkaktari kryesor i kësaj drame.
“Jemi përpara një situate të shkatërrimit të vendit. Rama ka paguar miliona për të krijuar portalin e tij. Qytetarët po përballen me këtë maskarallëk shtetëror, vetëm për shkak të arrogancës së këtij kryeministri. 102 milionë euro vetëm për ndryshime në administratë. Kjo nuk është më Shqipëria e shqiptareve, ndaj opozita është e vendosur të sjellë drejtësi në këtë vend. Thirrje BE-së për këtë mynxyrë që qeveria po i shkakton shqiptarëve. Duhet të veprojmë sa më parë që shqiptareve t’u kthehet Shqipëria”, thotë ndër të tjera Vasili.
