E enjte, 20 Janar, 2022
-1.5 C
Tirana

Varianti i ri/SHBA i bashkohet BE në kufizimin e fluturimeve nga Afrika e Jugut

SHBA do të kufizojë udhëtimin nga Afrika e Jugut dhe shtatë vende të tjera të Afrikës Jugore, në përpjekje për të frenuar një variant të ri të koronavirusit që përhapet atje.

Nga e hëna, vetëm qytetarët dhe banorët amerikanë do të lejohen të udhëtojnë nga rajoni.

Kjo pason një ndalim të ngjashëm fluturimi të vendosur nga BE dhe MB. Kanadaja gjithashtu po prezanton kufizime të udhëtimit. Organizata Botërore e Shëndetësisë (OBSH) e kishte deklaruar më parë variantin e ri si “shqetësues”, duke e quajtur atë Omicron.

Zyrtarët amerikanë thanë se fluturimet nga Afrika e Jugut, Botsvana, Zimbabve, Namibia, Lesoto, Eswatini, Mozambiku dhe Malavi do të bllokohen, duke pasqyruar lëvizjet e mëparshme të ndërmarra nga BE. Ndalimi do të hyjë në fuqi të hënën.

Në një deklaratë, Presidenti Joe Biden e quajti masën një “masë paraprake” të marrë derisa të dihet më shumë rreth variantit.

Kanadaja gjithashtu po mbyll kufijtë e saj për udhëtarët e huaj, që kanë qenë kohët e fundit në Afrikën e Jugut, Namibia, Lesoto, Botsvana, Eswatini, Zimbabve dhe Mozambik. Shtetasit e huaj do të ndalohen nga Kanadaja, nëse kanë qenë në shtatë vendet në 14 ditët e fundit.

Varianti Omicron u raportua për herë të parë në OBSH nga Afrika e Jugut më 24 nëntor, dhe që atëherë është identifikuar në vende të tjera.

Ministria e Shëndetësisë e Afrikës së Jugut ka kritikuar nxitimin për të vendosur kufizime të reja të udhëtimit, duke i quajtur ato në kundërshtim me udhëzimet e OBSH-së.

Shkencëtarët thonë se kanë ende shumë për të mësuar rreth mutacioneve të reja të virusit dhe OBSH ka thënë se do të duhen disa javë për të kuptuar ndikimin e variantit të ri, pasi ekspertët punojnë për të përcaktuar se sa i transmetueshëm është.

OBSH të premten tha se provat paraprake sugjeronin se varianti i ri kishte një rrezik më të lartë të riinfeksionit, se sa variantet e tjera.

Lexo edhe :   Raporti i auditorëve europianë, si një apologji për demokracinë liberale

Shkencëtarët kanë thënë se është versioni më i mutuar ende, që do të thotë se vaksinat Covid, të cilat janë krijuar duke përdorur llojin origjinal nga Wuhan, Kinë, mund të mos jenë aq efektive.

Çfarë dimë për variantin e ri deri më tani?

OBSH thotë se deri më tani janë raportuar më pak se 100 sekuenca të mostrave. Rastet janë konfirmuar kryesisht në Afrikën e Jugut, por janë zbuluar edhe në Hong Kong, Izrael, Botsvanë dhe Belgjikë.

Shumica e rasteve në Afrikën e Jugut kanë qenë nga provinca e saj më e populluar, Gauteng, kryeqyteti i së cilës është Johannesburg.

Lexo edhe :   Raporti i auditorëve europianë, si një apologji për demokracinë liberale

Aksionet goditen, pasi varianti i ri Covid trondit investitorët

OBSH ka paralajmëruar kundër vendeve që vendosin me nxitim kufizime udhëtimi, duke thënë se ata duhet të shikojnë një “qasje të bazuar në rrezik dhe shkencore”.

Udhëtarët në aeroportin e Cape Town u përgjigjen masave të reja të karantinës në Mbretërinë e Bashkuar mbi variantin Covid.

Ministri i Shëndetësisë së Afrikës së Jugut, Joe Phaahla, u tha gazetarëve se ndalimet e fluturimeve kundër vendit ishin “të pajustifikuara”.

Por zyrtarët shëndetësorë në Holandë paralajmëruan se pasagjerët në dy fluturime të KLM nga Afrika e Jugut në Amsterdam të premten ishin të infektuar. Po bëheshin teste për të përcaktuar nëse mund të ishte varianti i ri.

Pasagjerët që udhëtonin nga Cape Town në Mançester nëpërmjet Amsterdamit, i thanë BBC-së se ata u mbajtën në pistën e asfaltit në aeroportin Schiphol në kryeqytetin holandez për katër orë, përpara se të zbarkonin përfundimisht për të kryer testet PCR.

Ndërkohë, ndalimet e fluturimeve kërcënojnë të ndajnë familjet gjatë sezonit festiv.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...