Pas shkarkimit si Drejtor i Përgjithshëm i Hipotekave, Valdri Pjetri do të jetë Prefekti i ri i Shkodrës.
Lëvizja bëhet pas shkrirjes së Hipotekave me ALUIZNI-n, ndërsa tashmë Pjetri do të zëvendësojë Çesk Milljen, që mbante postin e Prefektit prej shtatorit 2017.
Valdrin Pjetri ka lindur në vitin 1981 në Shkodër, i specializuar në fushën e Financës dhe Menaxhimit. Në vitet 2014-2015 ka mbajtur detyrën e Drejtorit të Drejtorisë së Pronave në Ministrinë e Mbrojtjes. Më pas ka qenë Kryetar i Komisionit të Demontimit të Municioneve në Ministrinë e Mbrojtjes dhe Drejtor i Përgjithshëm i Shërbimeve Mbështetëse në këtë institucion.
Prej majit të vitit 2018 mbante detyrën e Drejtorit të Përgjithshëm të Hipotekave.
