Dita e sotme pritet të jetë përgjithësisht e nxehtë dhe pa reshje shiu. Sipas Institutit të Gjeoshkencave, Energjisë, Ujit dhe Mjedisit, mundësia për ndonjë shtrëngatë gjatë pasditeve është mjaft e vogël.
Temperaturat do të zbresin deri në 18 gradë Celsius në vendet malore, ndërsa maksimalja do të jetë deri në 32 gradë në bregdet. Ndërkohë vala e të nxehtit ka nisur të pushtojë Evropën. Në Shqipëri ndikimi i saj nuk do të jetë shumë i fuqishëm. Ditët më të nxehta parashikohen rreth mesjavës, kur termometri në vlerat e mesditës do të regjistrojë 32-37°C.
