Ndonëse nuk jemi jemi zyrtarisht në verë, temperaturat arritën të regjistronin vlerat 34 ºC në Kuçovë dhe 35 ºC në Tiranë.
Kjo situatë erdhi si pasojë e ndërhyrjes së rrymave të nxehta nga Saharaja, duke e cilësuar kështu si valën e parë të nxehtë të këtij viti.
Këto rryma do të vijojnë të qarkullojnë edhe ditën e nesërme. Orët në vijim si dhe deri në mesditën e së premtes, era e vrullshme jugore do të sjellë temperatura të larta dhe zagushi, pasi vranësirat shtresore do të mbeten prezente gjatë natës dhe mëngjesit të nesërm.
Në mesditë, jugu i vendit parashikohet të shënojë vlerat më të larta të temperaturave. Era do të humbë forcë mesditën e së premtes, po kështu dhe valëzimi në dete.
Temperaturat parashikohen në:
zonat malore 18º deri 30ºC
zonat e ulëta 21º deri 34ºC
zonat bregdetare 21º deri 31ºC
