Një tjetër valë e nxehtë pritet që të “godasë” Evropën. Duke nisur nga dita e nesërme, temperaturat në vendin tonë do të arrijnë në vlerën maksimale 37 gradë, ndërsa e mërkura do të jetë dita më e nxehtë për Shqipërinë.
Meteorologia Lajda Porja ka deklaruar për “Top Channel” se vala e të nxehtit do të zgjasë 5-6 ditë: “Shqipëria do të mbetet serish në periferi të kësaj vale. Që ditën e diel pritet ndryshim drastik i temperaturave. Nesër do të kemi vlerë maksimale 37 gradë. Ndërkohë që dita më e nxehtë për Shqipërinë do të jetë dita e mërkurë, me temperaturë 39 gradë, ndërsa ndonjë zonë e veçantë edhe 40 gradë. Më pas do të kemi rikthim të vlerave normale 32-33 gradë”.
