Qeveria gjermane ka vendosur të shtrëngojë masat në atë që duket se është vala e dytë e virusit. Këto masa përfshijnë reduktimin e e orarit të mbylljes së restoranteve dhe bareve, e njëkohësisht duke kufizuar festat private.
“Tani duhet të bëjnë gjithçka që virusi të mos përhapet në mënyrë të pakontrolluar. Çdo ditë vlen. Ju lutem: Hiqni dorë nga çdo udhëtim që nuk është i domosdoshëm, nga çdo festim që nuk është absolutisht i domosdoshëm.
Ju lutem, kur është e mundur qendroni në shtëpinë tuaj”, ka apeluar kancelarja gjermane, Angela Merkel, në një mesazh video të ditës së shtune.
Këto masa shtrënguese vijnë pasi autoritetet shëndetësore gjermane kanë regjistruar 7.830 raste të reja në 24 orët e fundit, duke shënuar një rekord të ri për Gjermaninë që nga fillimi i pandemisë.
