Ministrja e Shëndetësisë dhe Mbrojtjes Sociale, Ogerta Manastirliu ka bërë me dije se deri më tani janë vaksinuar 25.720 arsimtarë.
Manastirliu shprehet se me vaksinimin masiv, çdo ditë e më tepër i afrohemi dritës në fund të tunelit.
“Vijojmë pa u ndalur me planin tonë të vaksinimit masiv. Çdo ditë e më shpejt jemi duke iu afruar dritës në fund të tunelit”, shkruan Manastriliu në rrjetin social, Twitter.
#Vijojmë pa u ndalur me planin tonë të vaksinimit masiv??
Çdo ditë e më shpejt jemi duke iu afruar dritës në fund të tunelit.#ShqipëriaBuzëqesh
pic.twitter.com/oKaHaLFBhL
— Ogerta Manastirliu (@GManastirliu) April 8, 2021
Ndërkohë, ditën e sotme mbërritën në aeroportin e Rinasit, 100 mijë vaksina kineze anti-covid.
Që prej fillimit të vaksinimit në vend, janë kryer në total 232,556 doza të vaksinës kundër koronavirusit për qytetarët.
