32,760 doza të vaksinës Pfizer kanë mbërritur mbrëmjen e sotme në aeroportin e Rinasit. Lajmin e ka bërë të ditur kryeministri Edi Rama përmes një postimi në rrjetin social, Facebook.
Sipas kreut të qeverisë, deri më tani në vendin tonë kanë mbërritur 1,611,550vaksina kundër koronavirusit, teksa shtoi se do të vijojë vaksinimi +18 vjeç, deri të dielën, në çdo qendër vaksinimi në vend.
”32,760 doza të vaksinës Pfizer sapo kanë mbërritur në Aeroportin “Nënë Tereza”, duke çuar në 1,611,550 sasinë e vaksinave anticovid të mbërritura në vend. Vijojmë çdo ditë pa u ndalur me vaksinimin e hapur +18 vjeç, deri të dielën, në çdo qendër vaksinimi në vend.” shkruan Rama.
Situata epidemiologjike në vend vijon të mbetet e qëndrueshme. Në 24 orët e fundit, janë regjistruar 11 raste të reja me Covid-19, nga 3.439 testime të kryera.
Fatmirësisht, nuk është regjistruar asnjë viktimë. Po në 24 orët e fundit, janë shëruar edhe 7 pacientë, teksa raste aktive mbeten 160.
Statistika (19 Korrik 2021)
Raste të reja ditore 11
Të shëruar në 24 orë 7
Të shtruar në spitale 6
Humbje jete në 24 orë 0
Testime ditore 3439
Testime totale 859,432
Raste pozitive 132,697
Raste të shëruara 130,081
Raste Aktive 160
Humbje jete 2,456
Shpërndarja gjeografike e rasteve aktive sipas qarqeve:
Tiranë 65
Vlorë 17
Elbasan 17
Fier 14
Durrës 13
Shkodër 12
Lezhë 10
Korçë 6
Kukës 5
Gjirokastër 1
