Komisioni i Ligjeve dhe i Shëndetësisë, miratoi ditën e sotme aktet normative për furnizimin e Shqipërisë me vaksinën kineze, Sinovac.
Zv/ministja e Shëndetësisë, Mira Rakacolli tha se vaksina kineze deri më tani nuk ka pasur asnjë efekt anësor te qytetarët, ndryshe nga ajo Pfizer.
Ndër të tjera, Rakacolli u shpre se nuk ka asnjë event madhor si humbje jete apo shtrime në spitale për shkak të vaksinës
Mira Rakacolli: ”Meqë po flasim për vaksinën e Sinovac, ajo u është injektuar mjaft njerëzve dhe nuk ka pasur absolutisht asnjë ekfekt anësor. Në një kohë që nga vaksina Pfizer, 80% e atyre që e kanë bërë kanë pasur dhimbje në vendin e injektimit apo efekte të tjera anësore të lehta. Ndërkohë që nuk kemi asnjë event madhor si humbje jete apo shtrime në spitale për shkak të vaksinës.”
